Ընկույզ - բաղադրությունը, օգտակար հատկությունները

Ընկույզը էներգետիկ նյութերով եւ վիտամիններով հարուստ մթերք է, որը անփոխարինելի է համարվում ամուր առողջություն ունենալու համար: Ամեն օր մեկ բուռ այս մթերքի օգտագործումը ապահովում է օրգանիզմի համար անհրաժեշտ օրական ամենաանհրաժեշտ նյութերը: Կենսական կարեւոր նյութեր օրգանիզմը կստանա նաեւ այս մթերքը աղցաններում, տարատեսակ ուտեստներում օգտագործելու դեպքում: Այն օգտագործվում է եւ սննդի, եւ բժշկության մեջ: Այն օգտագործվում է ինչպես դեռ չհասած, այնպես էլ հասունացած, նաեւ պահածոյացված վիճակում: Բաղադրություն Այն պարունակում է կալցիում, քրոմ, ֆոսֆոր, երկաթ, մագնեզիում, կալիում, սելեն, ցինկ: Հետազոտությունները ցույց են տվել, որ ընկույզի առավել օգտակար նյութերը գտնվում են դրա շագանակագույն բարակ կեղեվի մեջ , այդ պատճառով խորհուրդ է տրվում այն ուտել ամբողջությամբ՝ չմաքրելով փափուկ կեղեւը, եւ անտեսելով այն փաստը, որ այն փոքր ինչ դառնահամ է: Այն հարուստ է վիտամին E-ով, ինչի շնորհիվ պաշտպանում է սրտանոթային խնդիրներից ու հիվանդություններից: Այն նաեւ պարունակում է հակաօքսիդանտներ, ինչպես նաեւ հակաբորբոքային նյութեր, ինչը ապահովում է քաղցկեղի որոշ տեսակների վտանգի նվազեցմանը: Օգտակար հատկություններ Շաքարային դիաբետի երկրորդ աստիճանով հիվանդները հաճախ գտնվում են առողջական այլ խնդիրների առաջացման վտանգի տակ: Խոսքը գնում է, օրինակ, սրտանոթային հիվանդությունների մասին, որոնք հաճախ առաջանում են շաքարային դիաբետով տառապողների մոտ: Ապացուցված է, որ սննդից հետո այս մթերքի օգտագործում ավելի ճկուն է դարձնում սրտանոթային համակարգը, նվազեցնում է արյան մեջ խոլեստերինի քանակը: Հակաօքսիդանտային հատկությունները այս մթերքի օգտագործման դեպքում պայքարում են քրոնիկ օքսիդատիվ սթրեսի դեմ, իսկ դրա հակաբորբոքային հատկությունների շնորհիվ նվազում է քաղցկեղի առաջացման վտանգը: Հակաբորբոքային հատկությունները դրական են ազդում նաեւ ոսկորների ամրության եւ առողջության վրա: Այս մթերքը օգտագործվում է նաեւ ճարպակալության դեմ պայքարի եւ ավելորդ քաշի նվազեցման պրոֆիլակտիկայի ժամանակ: Շատերին այս փաստը հաճախ զարմացնում է, քանի որ թվում է, թե այս մթերքում ճարպի բարձր պարունակությունն ու բարձր կալորիականությունը կարող է հակառակ ազդեցությունն ունենալ օրգանիզմի վրա: Իրականում իրավիճակն այլ է, քանի որ դրանում բարձր է թթուների պարունակությունը, որոնք չեզոքացնում են օրգանիզմում ճարպերի կուտակման վտանգը: Այս մթերքը դրական է ազդում նաեւ գլխուղեղի աշխատանքի վրա եւ լավացնում է հիշողությունը: Հետազոտությունները ցույց են տվել, որ ընկույզի օգտագործումը բարելավում է մտավոր հնարավորությունները, դյուրին է դարձնում ուշադրության կենտրոնացումը, ինչի շնորհից այն խորհուրդ է տրվում շատ օգտագործել մտավոր աշխատանք կատարելիս, ուսման ընթացքում, կարեւոր աշխատանքի ժամանակ կենտրոնակալու համար: Այն պարունակում է նաեւ մելոտոնին, որը պատասխանատու է նյարթային համակարգի ամրության եւ առողջության համար, ինչի արդյունքում էլ որոշիչ դեր է խաղում առողջ քուն ապահովելու գործում: Այս մթերքից նաեւ յուղ է պատրաստվում, որի օգտագործումը բավական բազմազան է: Այն տտիպ է, առանձնանում է իր յուրահատուկ վառ հոտով, լավ է ազդում մաշկի որակի վրա, փափկեցնում է այն, եւ օգտագործվում է ոչ միայն դեղորայքի պատրաստման ու առոմաթերապիայի համար, այլ նաեւ սնունդ պատրաստելիս: Ինչպես ընտրել Գնելիս այն ուշադիր եղեք արտաքին տեսքին: Թարմ վիճակում այն պետք է ավելի ծանր լինի, քան թվում է արտաքինից: Բացի դա, դրա կիսագնդերը չպետք է շատ մանրացված կամ կոտրված լինեն, չպետք է նաեւ փափկած լինեն, քանի որ այդ դեպքում մեծ է վտանգը, որ այն արդեն սկսել է բորբոսներ, հետեւապես դրա օգտագործումը կարող է վտանգել ձեր առողջությունը եւ թունավորման պատճառ դառնալ: Ճարպերի բարձր պարունակության հետեւանքով ընկույզը համարվում է արագ փչացող մթերք, եւ ուրեմն այն պահելիս պետք է ուշադիր լինել: Խորհուրդ է տրվում մաքրված վիճակում այն պահել հերմետիկ փակ տարայում՝ սառնարանի մեջ: Այդ վիճակում այն կարող է թարմ մնալ վեց ամիս: Սառցարանում պահելու դեպքում այն թարմ կմնա մեկ տարի: Պինդ կեղեվից դեռեւս չմաքրված պտուղը ավելի դիմացկուն է համարվում եւ այն կարելի է ավելի երկար պահել: Սառնարանում դրա կյանքը կերկարացվի առնվազն մեկ տարով: Պատմություն Դեռ դարեր առաջ որոշ մշակույթներում մարդիկ պաշտել են ընկույզի ծառը՝ դրա ամրության եւ գեղեցկության համար: Այդ ծառի բերքի կեղեւը ժամանակին օգտագործվել է ներկանյութեր եւ թանակ պատրաստելու համար: Նման ներկեր իրենց աշխատանքներում օգտագործել են այնպիսի մեծ նկարիչներ, ինչպիսիք են Ռեմբռանդն ու Լեոնարդո դա Վինչին: Այդ կեղեվից պատրաստված պիգմենտային նյութերը դեռեւս Հռոմում եւ միջնադարյան Եվրոպայում օգտագործվել են նաեւ գործվածքներ եւ վարսեր ներկելու համար: Հակացուցումներ Այն օգտագործելիս առաջ հավաստիացեք, որ ալերգիա չունեք եւ դրա օգտագործումը ձեզ վրա բացասաբար չի ազդի, քանի որ դրանում առկա են ալերգեններ: Ընկույզից ալերգիայի առաջացման դեպքում կարող են սկսել ցավեր որովայնի, կոկորդի շրջանում, փսխում, ինչպես նաեւ ընդհանուր ինքնազգացողության վատացում: Աղբյուրներ